یہ ہے سب سے بہترین کیمرے والا موبائل فون ، دھوم مچ گئی

ویسے تو ایپل اور سام سنگ کے درمیان بہترین اسمارٹ فون بنانے کا مقابلہ چلتا رہتا ہے اور کیمروں کے معاملے میں بھی یہی فونز آگے ہیں۔

مگر اب ان دونوں کے لیے گوگل کا نیا پکسل فون بڑا چیلنج بن کر سامنے آیا ہے۔

4 اکتوبر کو متعارف کرائے جانے والے اس فون کے بارے میں گوگل کا دعویٰ ہے کہ یہ اب تک تیار ہونے والا سب سے بہترین اسمارٹ فون کیمرہ ہے۔

اس حیران کن دعوے کے حوالے سے گوگل کی جانب سے پکسل اور پکسل ایکس ایل سے لی گئی تصاویر بھی شائع کی گئی ہیں جو کسی حد تک اس کی تصدیق بھی کرتے ہیں۔

ماہرین نے گوگل کی جانب سے شائع ان تصاویر کا معائنہ کرکے کہا ہے کہ یہ مختلف روشنیوں اور کلر سچوئشنز میں واقعی بہترین کام کرنے والا فون ہے۔

ماہرین کا کہنا ہے کہ اگرچہ تصاویر کو لینے کے بعد مختلف ایڈیٹنگ ایپس میں پراسیس کیا گیا ہے مگر پھر بھی یہ فوٹوگرافی متاثر کن ہے۔

تو کیا آپ کو بھی لگتا ہے کہ اس فون کا کیمرہ سام سنگ یا آئی فون سے بہتر ہے تو نیچے کمنٹس میں بتائیں۔